Әмір Омарханов ересектер арасында Қазақстан чемпионатында алғаш рет алтын медаль үшін таласатынына қуанышты екендігін жеткізді.
Фото: ҚТФ
ERNUR.KZ. Елордада ересектер арасында теннистен өтіп жатқан Қазақстан чемпионатында финалға шыққан ойыншылар анықталды, деп жазады inform.kz.
Ерлер арасында турнирдің екінші ракеткасы, әлемдік ITF Juniors рейтингісінде 23-орында тұрған 17 жастағы Әмір Омарханов жартылай финалда Ислам Орынбасарды 6:2, 4:6, 6:3 есебімен ұтты.
Әмір Омарханов ересектер арасында Қазақстан чемпионатында алғаш рет алтын медаль үшін таласатынына қуанышты екендігін жеткізді.
Екінші жартылай финалда өткен жылғы чемпион Григорий Ломакин аса тартысты матчта Тимур Мәуленовті 7:6 (7:5), 7:6 (7:2) есебімен қапы қалдырды.
Әйелдер арасында чемпионаттың бірінші ракеткасы Жібек Құламбаева өзінің фаворит екендігін дәлелдеп, 18 жастағы Іңкәр Дүйсебайдан айласын асырды — 6:1, 6:3.
Екінші жартылай финалда Аружан Сағындықова Полина Слепцованы жолдан тайдырды — 6:3, 6:2.
— Ел чемпионатының финалына шыққаныма өте қуаныштымын. Жібекпен матчтың оңайға түспейтінін жақсы білемін. Ол — тәжірибелі ойыншы, көп жылдан бері жоғары деңгейде өнер көрсетіп келеді. Дегенмен мен де қарап қалмаймын. Мұндай бәсекелер шеберлігімізді шыңдайды, — деді Аружан Сағындықова.
![](/assets/thumbnails/8a/8a40653fbcf1224dbda4dfc2780598ca.jpg ""Күйеуім партнер болам деп талып қалды": бес баланың анасы босанған сәтіндегі оқиғасын айтып берді")
