Боксшы Сәкен Бибосынов Спартакиада жеңімпазы атанды

ERNUR.KZ. Сәкен Бибосынов Санжар Тәшкенбайды жеңіп, спартакиада жеңімпазы атанды, деп хабарлайды Zakon.kz.

51 келіге дейінгі салмақта финалда ол өзінің негізгі қарсыласы Санжар Тәшкенбайды төрешілер шешімімен жеңді.

"Мен мықты боксшы екенімді дәлелдедім. Санжар да жақсы боксшы, бірақ ол жекпе-жекке дайын емес еді. Біз рингте қарсыласпыз, бірақ өмірде дос, бауырмыз. Біздің мақсатымыз – Қазақстанның туын биікке көтеру. Алда Париж Олимпиадасына лицензия алуды көздеп отырмын. Қазірдің өзінде "қола" медалім бар", - деді Бибосынов жекпе-жектен кейін.

Ол қазір "алтынды" мақсат етіп отырғанын айтып, жанкүйерлерінен қолдау сұрады.