Оның келесі жекпе-жегі 7 наурызға жоспарланған.
ERNUR.KZ. Бусто-Арсициода (Италия) бокстан өтіп жатқан лицензиялық турнирде тағы бір отандасымыз Мұхаммедсабыр Базарбайұлы жеңіске жетті, деп жазады zakon.kz.
ҰОК мәліметтері бойынша, отандасымыз 63,5 келіге дейінгі салмақ дәрежесінде күш сынады. Алғашқы жекпе-жегінде ол Доннель Филипке (Тринидад және Тобаго) қарсы өнер көрсетті.
Мұхаммедсабыр сенімді жекпе-жек өткізіп, жеңіске жетті. Оның келесі жекпе-жегі 7 наурызға жоспарланған.
Айта кетсек, Бокстан Қазақстан командасының капитаны Асланбек Шымбергенов 5 наурызда Бусто-Арсициода (Италия) өткен лицензиялық турнирдегі алғашқы жекпе-жегінде жеңіске жетті. Алғашқы кездесуінде оның қарсыласы фин боксшысы Сэм Моровати болды. Шымбергенов сенімді түрде жеңіске жетіп, жарыстың келесі кезеңіне өтті. Сондай-ақ Махмұд Сабырхан мен Нұрбек Аралбай 2024 жылдың 4 наурызында Бусто-Арсициода бокстан өтіп жатқан лицензиялық турнирде жеңіске жеткені хабарланған болатын. 2024 жылдың 3 наурызында Сәкен Бибосынов Қазақстанға алғашқы жеңісті сыйға тарту еткен еді.
![](/assets/thumbnails/70/70e867ff619e63707a229be691a7b0d9.jpg ""Екеуміз де тастандымыз" - алматылық ару мұңын шақты")
![](/assets/thumbnails/9b/9b5b97165f02686ee976d7c0cdeaedd4.jpg ""Ата-анам достарымен "құда боламыз" деп келіскен, ал қазір зардабын мен тартып жүрмін"")
