Биыл А сериясындағы жарыс алғаш рет Фуджейра қаласында ұйымдастырылды.
фото: Sputnik / Владислав Воднев
ERNUR.KZ. Қазақстандық каратешілер Біріккен Араб Әмірліктерінде өткен жастар арасындағы турнирде 11 медаль жеңіп алды, деп жазады sputnik.kz.
Биыл А сериясындағы жарыс алғаш рет Фуджейра қаласында ұйымдастырылды. Оған 87 мемлекеттен 2400-ге жуық спортшы келді. Ал Қазақстанның атынан 140 каратэші сынға түсті. Олар барлығы 11 медаль (4 алтын, 7 қола) жеңіп алды.
Чемпиондар:
Дінмұхаммед Айдарбек (U16-17, 55 келі, кумитэ);
Нұрасыл Нұрсейіт (U14-15, 52 келі);
Сұңқар Қанибек (U14-15, -70 келі);
Аяулым Тілектес (-47 келі).
Қола жүлдегерлер:
Ақниет Шеризат (U21,- 55 келі);
Гүлнұр Қойшыбай (U16-17,- 59 кг);
Әмір Кеңесбай (U14-15,- 52 келі);
Руслан Еркін (-57 келі);
Батыр Әділ (-57 кг);
Арнұр Мұрат (U12-13, -45 келі);
Инсар Ахмадиев (-50 келі).
Осылайша, Қазақстан құрамасы жалпыкомандалық есепте 4-сатыға жайғасты. Ал Ресей, Иран мен Мысыр алға шықты.
Айта кетері, жастар арасындағы серияның келесі кезеңі Гвадалахара қаласында (Испания) өтеді.