Қазақстандық жас теннисшілер Таиландтағы турнирдің чемпионы атанды

0
927

Аталмыш жарыста қазақстандықтар жеңімпаз атанды.


Қазақстандық жас теннисшілер Таиландтағы турнирдің чемпионы атанды

ERNUR.KZ. Нонтхабуриде (Таиланд) 18 жасқа дейінгілер арасында екінші санаттағы ITF Juniors J300 THAILAND ITF JUNIORS CHAMPIONSHIP B1 турнирі мәресіне жетті, деп жазады Zakon.kz.


Аталмыш жарыста қазақстандықтар жеңімпаз атанды.

Әмір Омарханов (99 ITF Juniors) финалда сингапурлық Билл Чаномды (235 ITF Juniors) 4:6, 6:1, 6:1 есебімен ұтып, чемпиондық атақты жеңіп алды.

Бұл Әмірдің жекелей сында ITF Juniors додаларындағы бесінші титулы еді. Соның бәрі осы жылдың үлесіне тиеді. Бұдан бұрын ол Оңтүстік Кореяда (J300), Мысырда (J100), Тбилисиде (J60) және Қарағандыда (J60) үздік шыққан еді.


Қыздар арасында жұптық сында соңғы бәсекеде қазақстандықтар бас жүлдені өзара сарапқа салды. Асылжан Арыстанбекова мен Айя Нұпбай тартысты матчта Мәлика Әмірғалиева – Альбина Кәкеновадан 6:7, 7:5, 10:5 есебімен басым түсті.

Бұл Асылжан мен Айяның ITF Juniors сериясында бірге жеңіп алған 11-титулы болатын. Бозбалалар арасында Ілияс Маратұлы мен Виталий Зацепин финалда жарыстың 1-ракеткалары, үндістандық Ариан Шах – қытайлық Тинх Джангқа жол берді – 4:6, 6:3, 6:10.