World Aquatics қазақстандық жүзушіні "Жыл спортшысы" атағына ұсынды

0
83

Виктор Друзин маусымды сәтті өткізіп, Әлем кубогының кезеңдерінде бірнеше марапаттарға ие болды.


World Aquatics қазақстандық жүзушіні

Фото: olympic.kz

ERNUR.KZ. Халықаралық жүзу федерациясы көркем жүзудің бес шеберін, оның ішінде қазақстандық Виктор Друзинді таңдаған деп жазады inbusiness.kz.

Сондай-ақ, әлемге танымал жүзушілер – итальяндық Джорджио Минисини, американдық Кеннет Гауди, испандық Деннис Гонсалес, колумбиялық Густаво Санчес те "Жыл спортшысы " атағына үміткерлер қатарында.

Виктор Друзин маусымды сәтті өткізіп, Әлем кубогының кезеңдерінде бірнеше марапаттарға ие болды. Әсіресе, ол Канадада өткен тартысты жарыста алтын медаль жеңіп алған болатын.

Қазақстандықтар өз дауысын Instagram-дағы World Aquatics парақшасында Stories-ке лайк қоя отырып, (1 лайк = 1 дауыс) қалдыра алады. Сондай-ақ, жеңімпазды таңдау кезінде World Aquatics кандидатураларын ұсыну жөніндегі комитеттің пікірі ескерілмек.