Әкім тұрғындарды жеке мәселелері бойынша қабылдады

ERNUR.KZ. Отырар ауданының әкімі тұрғындармен кездесу өткізді, деп хабарлайды ERNUR.KZ Отырар ауданы әкімдігінің баспасөз қызметіне сілтеме жасап.

Түркістан облысы Отырар ауданы әкімінің тұрғындарды жеке мәселелері бойынша қабылдауы өтті.

Аталған қабылдауда әлеуметтік көмек, тұрғын үй пәтерлерінің жылу жүйесін ауыстыру, пәтер алу, жұмысқа орналасу мәселелері көтерілді. Сондай-ақ, қабылдау барысында азаматтардың өтініштерін тыңдаған аудан басшысы әр мәселеге жеке тоқтап, заң аясында шешу жолдарын түсіндірді.

Сонымен қатар, біршама мәселелерге байланысты жауапты сала басшыларына нақты тапсырмалар берді.