«NUR OTAN»: Түркістан облысында ауыл шаруашылық өнімдерінің экспорты ұлғаяды

«Nur Otan» партиясы ауыл шаруашылығын дамытуға, ауылдардың еңсесін тіктеуге басымдық беріп отыр. Бұл туралы жетекші партия атынан Түркістан облыстық мәслихатына үміткер Ғабиден Қапалбаев Бәйдібек ауданының орталығы – Шаян елдімекеніндегі кездесуде айтты.

Кездесуде Түркістан облыстық мәслихатының депутаты Ш.Жамалбеков, Бәйдібек ауданының «Құрметті азаматы», «Зейнеткер» газетінің бас редакторы С.Тұржан, Бәйдібек ауданының «Құрметті азаматы» Бәйдібек ауданы мәслихатының депутаты Б.Қалаубай және «Algabas» газетінің бас редакторы А.Әділбековтер сөз сөйлеп, «Nur Otan» партиясының жетістіктері, алға қойған мақсаттары туралы айтып, жиынға келген үміткерлерге сәттілік тілей отыра, сайлаушыларды «Nur Otan» партиясына дауыс беруге шақырды.

Бәйдібек ауданы бойынша «Nur Otan» партиясының сайлауалды штабының төрағасы Т.Дүйсенбеков, партияның сайлауалды бағдарламасының дамудың жеті басымдығы жайлы және Бәйдібек ауданы бойынша «Nur Otan» партиясының басты мақсаты – халықтың өмір сүру сапасы мен әл-ауқатын үнемі жақсарта түсуге жағдай жасау, денсаулық сақтау, білім беру, әлеуметтік салада сапалы қызметтерге қол жеткізе отырып, аудан тұрғындарының өмір сүру жағдайын арттыруға күш салатынын айтып өтті.

Ғабиден Қапалбаевтың айтуынша, Бәйдібек ауданында ауыл шаруашылығын, оның ішінде мал шаруашылығын дамытуға мүмкіндік мол. Бұл ретте «Nur Otan» партиясы ауылдарды дамытуға айрықша мән беріп отыр.