ТҮРКІСТАН: Сауранда 6 ауыл табиғи газбен қамтылмақ

Сауран ауданында көгілдір отынмен қамтамасыз ету жұмыстары жүріп жатыр, деп хабарлайды ERNUR.KZ.

Сауран ауданында халықты көгілдір отынмен қамтамасыз ету жұмыстары жалғасуда. Аудандағы Үшқайық және Ескі Қайық ауылдарын табиғи газбен қамтамасыз ету бойынша 2018-2020 жылдары құрылыс жұмыстары жүргізілген болатын.

Сонымен қатар, Қарашық, Жүйнек, Оранғай ауылдарына табиғи газды жеткізу мақсатында жобалау-сметалық құжаттары әзірленіп, құрылыс жұмыстары биыл жылы басталмақ. Ал, қалған 6 ауылды табиғи газбен қамтамасыз ету үшін жобалық-сметалық құжаттар әзірленуде.

Атап айтқанда, Бабайқорған, Майдамтал, Жібек жолы, Оранғай, Иассы, Ескі Иқан ауылдарында алдағы жылдары газбен қамтамасыз ету жұмыстары жүргізіледі.