Аталған жарысқа еліміздің 10 өңірінен 100-ден астам спортшы қатысты.
Түркістан облысының байдарка және каноэ есушілері Қазақстанның іріктеу чемпионатында сәтті өнер көрсетті, деп хабарлайды ERNUR.KZ.
Түркістан облысының байдарка және каноэ есушілері Алматыда өткен байдарка және каноэ есуден Қазақстанның іріктеу чемпионатында сәтті өнер көрсетті. Аталған жарысқа еліміздің 10 өңірінен 100-ден астам спортшы қатысты. Түркістан облысының құрама командасының көшбасшысы, байдарка есуші Ольга Шмелева денсаулығына байланысты бұл чемпионатқа қатыса алмады. Алайда бұл жағдай облысымыздың есу шеберлеріне жүлделі орындарды иеленуге кедергі болмады.
Түркістан облыстық су спорты түрлерінен олимпиада резервінің мамандырылған балалар-жасөспірімдер спорт мектебінің, ЖСШМ және Олимпиадалық резервті даярлау орталығының спортшылары жалпы 30 медаль жеңіп алды. Оның ішінде қоржынға 7 алтын, 11 күміс және 12 қола медаль түсті.
Чемпион атанғандарға келсек, каноэден Полат Төребеков, Алишер Хаетов, Ульяна Киселева, Дильфузахон Эргашханова топ жарды. Сонымен бірге байдарка есуші Бекарыс Раматулла да бірінші орын иемденді.
Жарыс қорытындысы бойынша Бекарыс Раматулла мен Полат Төребеков Португалияда өтетін 18 және 23 жасқа дейінгі жастар арасындағы байдарка және каноэ есуден әлем чемпионатына және Италияда өтетін ересектер арасындағы әлем чемпионатына жолдама алды.
![](/assets/thumbnails/ab/ab1081653fa7244b2a0de3f8d427d3d3.jpg ""Некесіз екі бала тудым": жас келіншек анасының айтқанын тыңдамағанына өкінеді")
![](/assets/thumbnails/7c/7c7ac2289aa25b847847aa4661779700.jpg ""Анамның тұрмысқа шыққанын қаладым": жас жігіт анасына күйеуге шығуды өзі ұсынғанын айтты")
