Түркістандық велоспортшылар екі дүркін күміс жүлдегер атанды

Талғар қаласында «Геннадий Сергеевич Третьяков атындағы сыйлық үшін» республикалық веложарыс өтті, деп хабарлайды ERNUR.КZ.

Алматы облысы, Талғар қаласында 2008-2009 және 2010-2011 жылдары туған ұлдар мен қыздар арасында «Геннадий Сергеевич Третьяков атындағы сыйлық үшін» республикалық веложарыс өтті.

Түркістан облысының велоспортшылары аталған жарыста бой көрсетіп, нәтижесінде жүлделі орындарға ие болды.

13-14, 15-16 жас аралығында өткен жарыста Түркістан өңірінен Жаннэль Садыкова екі рет қатарынан күміс жүлдегер атанды. Ол

2008-2009 ж. қыздар арасында 50 км. қашықтықта 8 айналымда және критериум веложарысы бойынша 10 айналымда 2-орындарға ие болды.

Жалпы, аталған жарысқа 8 өңірден 16 команда қатысқан болатын.

Айта кетейік, Түркістан облысының велоспорт федерациясы жасөспірімдерді аталған спорт үйірмесіне қабылдауды жалғастыруда. Шыңдалған спортшылар түрлі чемпионаттарға қатысып, өз мүмкіндіктерін көрсетіп, өңірдің абыройын арттыруға үлес қоса алады. Қатысу тегін. Толық ақпарат: @velosport_turkistan_oblysy