Түркістандық жасөспірім комбайнның орағына қысылып қалды (видео)

0
118

Мақтаарал аудандық ауруханасының дәрігер травматологы жағдайын баяндады.


Түркістандық жасөспірім комбайнның орағына қысылып қалды (видео)

Түркістан облысында құтқарушылар комбайнның орақ аппаратына қысылып қалған жасөспірімді құтқарды, деп хабарлайды ERNUR.KZ.

Түркістан облысы Асықата ауылындағы шаруа қожалығының аумағында 2009 жылы туған жасөспірім жазатайым оқиғаға тап болған.


Атап айтқанда, комбайнды жөндеу жұмыстары кезінде жасөспірімнің аяғы ауыл шаруашылығы техникасының орақ аппаратына қысылып қалған. Бұл туралы ТЖМ-ның Instagram-дағы парақшасында жарияланды.


«Оқиға орнына жедел жеткен ТЖМ құтқарушылары арнайы құралдардың көмегімен жасөспірімді босатып, жедел медициналық жәрдем бригадасына тапсырды», - делінген ресми хабарламада,

Мақтаарал аудандық ауруханасының дәрігер травматологы Әбдешев Нұржан Орынбасарұлының айтуынша, жасөспірімнің жағдайы тұрақты. Жансақтау бөлімінен бейінді бөлімшеге ауыстырылып, ауруханада емін жалғастыруда.

"Дәрігерлердің кәсібилігі мен жедел әрекеті бала өмірін сақтап қалды. Ауыр жарақатпен аурухананың жансақтау бөліміне түскен науқас, қазір дәрігерлердің жіті бақылауында. Шұғыл жеткізілген науқасқа ақ халатты абзал жандар бір сәт те кідірместен көмек көрсетті. Мамандар баланы мұқият тексеріп, қан тамырлары, бұлшықеттері мен сүйектеріне қажетті күрделі ем-шаралар мен перевязка жасады. Дәрігерлердің жедел әрі үйлесімді жұмысының арқасында баланың жағдайы толық тұрақталды. Жақын арада ол жансақтау бөлімінен палатаға ауыстырылады. Алдағы уақытта толық сауығып, өз аяғымен туған-туыстарының ортасына оралады", - деп мәлімдеді облыстық денсаулық сақтау басқармасының баспасөз қызметі.
Бөлісу