Әлем елдері COVID-19-ға қарсы ревакциналау мерзімін қысқартады

ERNUR.KZ. Әлем елдері омикрон штамына байланысты COVID-19-ға қарсы ревакциналау уақытын алты айдан үш айға дейін қысқартуға шешім қабылдады, деп жазады Tengrinews.kz.

Көптеген елде, соның ішінде АҚШ-та, биыл жыл басынан бері коронавирусқа қарсы вакцина алған алты айдан кейін ревакциналауға рұқсат етілді. Осы айда Оңтүстік Корея, Ұлыбритания және Таиланд бұл аралықты үш айға дейін қысқартты. Бельгия төрт айға қысқартты. Ал Франция, Сингапур, Тайвань, Италия және Аустралия бес айға дейін қысқартты. Кейбір елдер, соның ішінде АҚШ, Оңтүстік Африка және Германия әлі де алты айлық ревакциналау кестесін ұстанады.

Осылайша, кейбір елдер омикрон дельта штамына қарағанда тезірек таралатынын және вакцина алғандарға жұғуы мүмкін екенін көрсетеді. Алайда кейбір ғалымдар қосымша дозаны тым тез алу вакцинаның ұзақ мерзімге арналған қорғаныс деңгейіне қауіп төндіруі мүмкін дейді.

Финляндия инфекция тез жұғуы мүмкін топтарға қосымша доза салудың үш айлық жеделдетілген кестесін ұсынды. Испания мен Литва әлі де иммунитеті әлсіз адамдарға, қарттарға ғана ұсынады. Үндістан әлі ревакциналау туралы шешім қабылдаған жоқ.

"Иммунологиялық тұрғыдан алғанда, алты айдан да аз уақытқа қысқартудың еш мағынасы жоқ", - деді АҚШ ауруларды бақылау және алдын алу орталықтарының (CDC) өкілі Кристен Нордлунд.

Кейбір сарапшылардың пікірінше, алты ай аралығы ерікті болды. Қарашада омикрон пайда болғанға дейін жиналған мәліметтер антиденелер деңгейімен өлшенетін иммунитет COVID-19-ға қарсы алғашқы вакцинадан төрт ай өткен соң төмендей бастайтынын көрсеткен.