Америкалық әйел ұрлап әкетті деп ойлап, таксисті атып өлтірді

ERNUR.KZ. АҚШ тұрғынына такси жүргізушісін өлтірді деген айып тағылды. Ол жүргізуші өзін ұрлап, Мексикаға апара жатыр деп ойлаған, деп жазады ҚазАқпарат.

Техас штатындағы Эль-Пасо қаласы полициясының мәліметінше, көлікте отырған әйел «Сьюдад-Хуарес, Мексика» деген жол белгісін көріп, өзін Мексикаға апара жатыр деп ойлаған.

Ойланбастан сөмкесінен тапаншасын алып, жүргізушінің басынан атқан. Көлік жол жиегінде қоршауға соғылған.

52 жастағы жүргізуші ауруханада қайтыс болды.

Американың Эль-Пасо қаласы мен Мексиканың Сьюдад-Хуарес қаласы шекараның екі жағында орналасқан.

Қалалар арасындағы қашықтық - 3 шақырым.

Әйел - Кентукки штатының тұрғыны. Ол Эль-Пасоға жігітіне қонаққа келген.

Болжам бойынша ол 911 нөміріне қоңырау шалып, кейін жүргізушіні суретке түсіріп, жігітіне жіберген.

«Тергеу адам ұрлау, сондай-ақ жүргізушінің бағытынан қасақана ауытқу нұсқасын қарастырмайды», - делінген баспасөз хабарламасында.