Аю етінен бургер: Словакия қоңыр аю етін сатуға рұқсат берді

Өткен айда Словакияның министрлер кабинеті адам өліміне әкелген жағдайға байланысты елдегі 1300 қоңыр аюдың төрттен бірін жою жоспарын мақұлдады.

Алайда, мемлекет санкциялаған бұл тыйымды табиғатты қорғаушылар мен оппозициялық саясаткерлер, соның ішінде Еуропарламент сынға алды.

Қоңыр аюды Халықаралық табиғатты қорғау одағы ЕО-да «жойылып кету алдында тұрған жануарлар» тізіміне енгізген. Ал, Словакия үкіметі осы аптада сойылған аюлардың етін ысырап қылмас үшін халыққа сатылатынын жариялады.

Келесі аптадан бастап Словакияның Қоршаған ортаны қорғау министрлігіне қарасты ұйымдар барлық заңды және гигиеналық талаптар сақталған жағдайда етті сатуға шығара алады.

Словакияда аю мен адам қақтығысы, соның ішінде өліммен аяқталатын оқиғалар көбейгеннен кейін аюлар саяси мәселеге айналды. Словакия Еуропадағы шабуылдар саны бойынша Румыниядан кейінгі екінші орында тұр, онда шамамен 13 000 қоңыр аю бар. Елде 2000-2020 жылдар аралығында барлығы 54 аю шабуылы тіркелді. Сондай-ақ шабуылдардың орташа саны жылына шамамен 10-ға дейін өсті.

Сонымен қатар, Еуропалық Одақтың азық-түлік қауіпсіздігі ережелері барлық аю етінің сатылмас бұрын трихинелла дернәсіліне тексерілуін талап етеді. Мұздату, ыстау немесе кептіру аю етін зарарсыздандырмайды.