Басқалардан бөлек бітімі үшін ол өзін келімсек сезінеді

Үндістандық 21 жастағы Аншу Кумар белгісіз аурудан зардап шегіп келеді. Жап-жас бала ауруының салдарынан қазір жүруден қалған, ал аймақтағы дәрігерлер оған қалай көмектесуді білмей дал.

Аншу Кумар басының формасы өзгеше болып дүниеге келген бала, есейген сайын оның жағдайы мүлде нашарлап жатыр.

Оның белгісіз, шипасыз ауруы өзінің өзгелермен тең араласуына, қалыпты өмір сүруіне мүмкіндік бермей келеді. Басқалардан бөлек бітімі болғаны үшін Аншу Кумар өзін үнемі келімсек сезінеді екен.

«Мен өз ауылымды аралаған сайын көпшілік маған үрке қарайды. Әсіресе балалар менің сырт келбетімнен қатты қорқады. Сондықтан менен алыс түрғанды жақсы көреді, кейбірі "жат ғаламшарлық" деп те айтады. Олардың сөздерін елемеуге тырысамын, бірақ мен үнемі құлағымды жауып жүре алмаймын ғой»-, дейді Аншу.

«Мені ешкім жақсы көрмейді. Тезірек емделіп, үйленгім келеді!» деген Аншу ертелі кеш дәрігерлер оның ауруының емін табатынына сеніп, ғұмыр кешіп жүр.

Бірақ өкінішке орай, Аншуға шетелдік дәрігерлер "Якобсен" синдромымен ауырады деген диагноз қойған. Ол сирек кездесетін ауруға ота жасауға болады. Бірақ Аншу ешқашан қалыпты адам бола алмайды-мыс.

Фото ашық дереккөздерден алынды.

Автор: @karashash_esenbay

ERNUR.KZ