Жүргізушілер компанияның банкротқа ұшырап, сол себепті шілде айында жалақысыз қалғандары туралы смс-хабарлама алды
ERNUR.KZ. Бельгияның Шығыс Флемаль муниципалитетіндегі Amazon-ның қосалқы мердігері KM Group компаниясында жұмыс істейтін 100-ге жуық бельгиялық жүргізуші WhatsApp арқылы ұжымдық түрде жұмыстан шығарылды. Кәсіподақтар жұмыссыздық бойынша жәрдемақы алу үшін қажетті құжаттарды алмағанын мәлімдейді, деп жазады inform.kz.
Жүргізушілер компанияның банкротқа ұшырап, сол себепті шілде айында жалақысыз қалғандары туралы смс-хабарлама алды. Сондай-ақ олар жұмыссыздық бойынша жәрдемақы алу үшін қажетті бланкілер алмағандарын айтады.
Бірлескен мәлімдемеде Бельгияның Жалпы еңбек федерациясы (FGTB) мен Христиан кәсіподақтар конфедерациясы (ХҚКО) жұмысшылардың жұмыстан босатылу тәсілін және олардың өздеріне тап болған белгісіз қаржылық жағдайын айыптады.
- 31 шілдеде компанияның банкротқа ұшырағаны туралы бізге WhatsApp арқылы смс-хабарлама келді. Бірақ ешқандай қызметкерлер жиналысы, әлеуметтік диалог болған жоқ, тек WhatsApp хабарламасы келді, - деді UBT-FGTB кәсіподақ ұйымының жергілікті филиалының хатшысы Даниэль Маратта.
Кәсіподақтар КМ Group-тың банкротқа ұшырауы америкалық онлайн-бөлшек сауда алыбы Amazon келісімшарт шарттарын қайта қараудан бас тартқаннан кейін жарияланды деп мәлімдейді.
KM Group сотта банкроттық рәсімін дереу бастауы керек болса да, Маратта компанияның балансы әлі ресми түрде жарияланбағанын айтты.
Оның айтуынша, кәсіподақ жұмыстан босатылған жұмысшыларды шұғыл көмекке жүгіну үшін әлеуметтік қамсыздандыру орталықтарына жіберген, алайда орталықтан оларға көмек болатындығы әлі белгісіз, өйткені оларға қажетті C4 формасы берілмеген.
