Есеп беріп тұрған үкімет басшысы қарқылдап күліп жіберді (видео)

ERNUR.KZ. Данияның премьер-министрі Метте Фредериксен парламент депутаттары алдына шығып, сөйлеп, елді күлкіге қарық қылды. Ол үкіметтің цирк жануарларын сатып алуы туралы есебін оқыған, деп жазады zakon.kz.

Фредериксен мемлекеттің төрт піл сатып алғанын айтты. Алайда, бір қыз пілдің жұп жазбай үнемі бірге жүретін түйе досы бар екен. Сондықтан үкімет төрт пілге қосып, түйені де сатып алуға мәжбүр болыпты.

Осы араға келгенде залдағы саясаткер күлкісін жия алмай қарқылдап күліп жіберді. Залдағылар да ду күліп, арқасын бір кеңге салды. Бірақ өз-өзіне келген депутаттар бірнеше минуттан кейін қайтадан күн тәртібіндегі мәселені талқылауға кірісті.