Индонезияда магнитудасы 5,6-ға жеткен жер сілкінісі тіркелді

0
93

Бұған дейін Тимор-Лестенің Лоспалос қаласынан 83 шақырым шығысқа қарай магнитудасы 5,3 жер сілкінісі болғаны хабарланған.


Индонезияда магнитудасы 5,6-ға жеткен жер сілкінісі тіркелді

Фото: Анадолу

ERNUR.KZ. Индонезияның Солтүстік Малуку провинциясындағы Тобело қаласының маңында магнитудасы 5,6 жер сілкінісі тіркелді, деп жазады inform.kz.

Зілзаланың жергілікті уақыт бойынша таңғы 05:00 шамасында болғаны хабарланды. Жер сілкінісінің ошағы 162,2 шақырым тереңдікте орналасқан.

Жерасты дүмпулерінің эпицентрі 2,422° солтүстік ендік және 128,170° шығыс бойлықта, Тобело қаласынан солтүстік-солтүстік-шығысқа қарай шамамен 78 шақырым жерде орналасқан.

Қазіргі уақытта зардап шеккендер мен қираған нысандар туралы ақпарат жоқ.

Бұған дейін Тимор-Лестенің Лоспалос қаласынан 83 шақырым шығысқа қарай магнитудасы 5,3 жер сілкінісі болғаны хабарланған.