Қырғызстанда турист құздан секіремін деп ажал құшты

0
532

Татыр ауылына қарама-қарсы орналасқан Flyjump спорт кешенінде жардан секіру кезінде аспалы жол үзіліп, салдарынан 1985 жылы туған Б.А. есімді азамат оқиға орнында көз жұмған.


Қырғызстанда турист құздан секіремін деп ажал құшты

ERNUR.KZ. Аламудун облысында шетел азаматы құздан секіру кезінде қаза тапты. Оқиғаға қатысы бар деген күдікпен Flyjump спорт кешенінің иесі ұсталды, деп жазады Zakon.kz.




Кабар ақпараттық порталының мәліметінше, бүгін сағат 13:30 шамасында Татыр ауылына қарама-қарсы орналасқан Flyjump спорт кешенінде жардан секіру кезінде аспалы жол үзіліп, салдарынан 1985 жылы туған Б.А. есімді азамат оқиға орнында көз жұмған. Аталған факті Аламудун аудандық ішкі істер бөліміне тіркеліп, тергеуге дейінгі іс қозғалды.



Жиналған материалдар мен жәбірленушінің туыстарының арызы негізінде аталған факті бойынша Қырғызстан Республикасы Қылмыстық кодексінің 297-бабы ("Тұтынушыларға қауіп төндіру") бойынша қылмыстық іс қозғалды.

Аталған қылмысты жасады деген күдікпен Қылмыстық іс жүргізу кодексінің 96-бабына сәйкес 1996 жылы туған Н.А. есімді азамат уақытша ұстау изоляторына қамалды. Қазіргі уақытта тиісті сараптамалар тағайындалып, қажетті тергеу амалдары жүргізіліп жатыр.