Синьхуа мемлекеттік ақпарат агенттігінің хабарлауынша, дүйсенбі күні таңертең қаза тапқандар саны 14 адамға жеткен.
Фото: CCTV
ERNUR.KZ. Қытайдың солтүстігіндегі Шаньси провинциясының орталығы Тайюань қаласында көпқабатты ғимарат өртеніп, 14-ке жуық адам көз жұмды, деп жазады inform.kz.
Өрт сөндірушілер сағат 19:00-де жалынды толық сөндіріп, іздестіру-құтқару жұмыстарын 20:30-да аяқтады. Ал ауруханаға жеткізілген 38 адамның бесеуі жексенбі күні кешке көз жұмды.
– Қазір зардап шеккендерге қажетті көмек көрсетіліп, төтенше жағдайдан кейінгі жұмыстар толық көлемде қолға алынды. Өрттің шығу себебі тексеріліп жатыр, – деп хабарлады аудан әкімшілігі.
Синьхуа мемлекеттік ақпарат агенттігінің хабарлауынша, дүйсенбі күні таңертең қаза тапқандар саны 14 адамға жеткен.
Бұған дейін Қытайдың шығысындағы Фуцзянь провинциясының Цзиньцзян қаласындағы аяқ киім фабрикасында болған өрттен кейін іздестіру-құтқару жұмыстары аяқталып, 28 адамның қаза тапқаны хабарланған болатын.
