Махачкаладағы өрт орнында тағы бес адамның денесі табылды

ERNUR.KZ. Махачкаладағы жанармай құю бекетіндегі жарылыстан кейін өрт орнында тағы бес адамның денесі табылды, деп жазады Inbusiness.kz.

Ресей ТЖМ қызметкерлері апаттық-құтқару жұмыстарын жалғастырып жатыр.

Бұған дейін Махачкаладағы жанармай құю станциясында жарылыс кезінде қаза тапқандар саны 27-ге жеткені хабарланған болатын. 14 тамыздан 15-не қараған түні Дагестан астанасы Махачкалада жанармай құю станциясында жарылыс болып, соңы үлкен өртке ұласты. Өрт аумағы 600 шаршы метрге тараған.