Колл-орталықта жұмыс істеген британдық Лора Тейт эмоционалдық күйзеліске және мазасыздыққа тап болған.
Фото: depositphotos.com
ERNUR.KZ. Ұлыбритания тұрғыны бұрынғы жұмыс берушісін сотқа беріп, жеңіске жетті. Әйел компания оны қашықтан жұмыс істеу кезінде видеобайланыс барысында камера қосуға мәжбүрлегенін айтып, шағым түсірген, деп жазады Stan.kz.
Колл-орталықта жұмыс істеген британдық Лора Тейт эмоционалдық күйзеліске және мазасыздыққа тап болған. Денсаулығындағы қиындықтар әйелді үнемі аурухана парағын алуға және кезектен тыс демалыстарға шығуға мәжбүрлеген.
2023 жылы ол басшылыққа байланыстардың бір бөлігін чат арқылы жүргізуге ауыстыру туралы өтінішпен жүгінген. Алайда басшылық оның өтінішін қабылдамаған. Олар әйелдің жұмысының мәні адамдармен телефон және бейнебайланыс арқылы сөйлесуге негізделгенін түсіндірген.
"Мұндай шешім басқа қызметкерлерге қатысты әділетсіз болар еді және олардың арасындағы жұмыс жүктемесінің бөлінуін бұзар еді", – деп мәлімдеді Holiday Extras компаниясының басшылығы.
Әріптестерімен бейнебайланыс арқылы өткен тренинг кезінде Тейт камераны өшіруге рұқсат сұраған. Алайда оған бас тартқан, соның салдарынан қызметкер тренингтен өте алмаған.
Осы жағдайдан кейін әйел ұзақ мерзімді аурухана демалысына шығып, компанияға қайта оралмаған. Кейін ол Holiday Extras компаниясы оған қолайлы еңбек жағдайларын қамтамасыз етпеді деп, сотқа талап арыз берген. Лондон еңбек трибуналы талапкердің пайдасына шешім шығарды.
Сот компания 2023 жылдың өзінде камерасыз жұмыс істеу форматын мақұлдауы керек болғанын анықтады. Бас тарту мүмкіндігі шектеулі адамдардың құқықтарын қорғау туралы заңды бұзу деп танылды.
Енді жұмыс беруші өтемақы төлеуге міндетті.
"Өтемақының нақты сомасын сот келесі отырыста анықтайды", – делінген жарияланымда.
