Швейцарияда 14 жасөспірімді найзағай ұрды

ERNUR.KZ. Швейцарияда найзағай ұрған 14 жасөспірім ауруханаға түсті. Бұл туралы Санкт-Галлен кантонының полициясы айтты, деп жазады Tengrinews.kz.

Жасөспірімдер найзағай түскен кезде алаңда футбол ойнап жүріпті.

"Белгілі ақпаратқа сәйкес, найзағай шам бағанасына тиген. Заряд жерге өтіп, алаңға тараған", - дейді полиция.

Салдарынан екі командадан 15-16 жас аралығындағы 14 жасөспірім ауруханаға жеткізілген. Олардың бірі ауруханаға тікұшақпен жеткізілген.

Прокуратура мен полиция оқиғаның мән-жайын анықтап жатыр.