Түркияның оңтүстігінде 4,5 балдық жер сілкінді

0
153

Жер сілкінісінің дүмпулері тек Адана ғана емес, көршілес провинцияларда да сезілген.


Түркияның оңтүстігінде 4,5 балдық жер сілкінді

ERNUR.KZ. Түркияның оңтүстігіндегі Адана қаласында 4,5 магнитудалы жер сілкінісі тіркелді, деп жазады baq.kz.

Сейсмикалық белсенділік жергілікті уақытпен сағат 07:09-да Саимбейли ауданында болған. Алдын ала мәлімет бойынша, зілзаланың тереңдігі шамамен 7 шақырымға (6,96 км) жетеді.

Жер сілкінісінің дүмпулері тек Адана ғана емес, көршілес провинцияларда да сезілген. Алайда, Түркияның ішкі істер министрі Әли Ерликаяның мәлімдеуінше, қазіргі уақытта ешқандай ауыр зардаптар тіркелмеген.

Саимбейли ауданында 4,5 балдық жер сілкінісі болды. Дүмпулер көршілес аймақтарда да сезілді. AFAD және басқа да тиісті қызметтер жағдайды тексеру жұмыстарын бастап кетті. Әзірше салдары анықталған жоқ, – деді министр ресми мәлімдемесінде.

Сондай-ақ Ерликая жер сілкінісін сезінген тұрғындарға қолдау білдірді.

Жер сілкінісін сезінген барлық азаматтарға тезірек қалыпқа келуді тілеймін. Алла елімізді апаттан сақтасын, – деп жазды ол.

AFAD мамандары ахуалды бақылауды жалғастырып жатыр. Қауіптің алдын алу үшін мобильді топтар дайындық үстінде.