105 мың адам ешқашан жұмыс істеп көрмеген: Қазақстанда 451 мың адам неге жұмыссыз жүр?

Жұмыссыз қазақстандықтардың жұмыс істемеу себептері (2021 жыл І тоқсан):

Өз еркімен жұмысынан шыққан – 104,9 мың адам.

Жұмыс таба алмаған – 104,3 мың адам.

Жұмыс орнының жабылуына және штаттың қысқаруына байланысты – 55,2 мың адам.

Жеке және отбасылық жағдайына байланысты – 47,7 мың адам.

Үй шаруашылығымен айналысады – 33,8 мың адам.

Денсаулығына байланысты – 26,8 мың теңге.

Келісімшартының мерзімі біткен – 25,4 мың адам.

Оқу бітіргеннен кейін жұмыс таба алмаған – 14,9 мың адам.

Жұмысының мерзімділігіне байланысты – 14,8 мың адам.

Кәсіпкерлік қызметі тоқтаған – 12,2 мың адам.

Басқа себептер – 11,3 мың адам.

Статистика бюросының мәліметінше, 394,5 мыңға жуық адам жалдамалы жұмыс іздейді. Олардың 363,6 мыңы ұйымдарға, 27,9 мыңы жеке тұлғаларға, 2,1 мыңнан астамы шаруа және ферма қожалықтарына орналасқысы келеді.

Биыл бірінші тоқсандағы дерек бойынша, 17,3 мың қазақстандық бизнесін немесе фермасын ашу үшін жер телімін, орын-жай және жабдық іздеген. Ал 10 мың адам өз кәсібін ашу үшін несие мен лицензия алмақшы болған.

Ал 3,8 мыңнан астам адам мүлде жұмыс іздемеген.

Ұлттық статистика бюросының дерегінше, 2020 жылы жұмыспен қамтылған халықтың саны 8,7 млн адамға жетті. Жұмыспен қамтылған халықтың жалпы санында қала халқы – 5,1 млн адам (58,9%), әйелдер – 4,2 млн адам (48,2%).

Республиканың экономикасында жұмыспен қамтылғандардың 14,1% бейресми жұмыспен қамтылғандар. Бейресми жұмыспен қамтылған халықтың жалпы санының 56,2% жалдамалы қызметкерлерлер, 43,8% – өзін-өзі жұмыспен қамтыған қызметкерлер. Өзін-өзі жұмыспен қамтыған қызметкерлердің жалпы санының 73,7% – ресми жұмыспен қамтылғандар.