​Кәді қосылған дәмі тіл үйірер қыстық салат

Қажетті қоспалар:

1. 1 кг кәді
2. 800 гр. қызанақ
3. 300 гр. пияз
4. 300 гр. сәбіз
5. 300 гр. болгар бұрышы
6. 7 тіс сарымсақ
7. 30 гр. ақжелкен
8. 100 мл өсімдік майы
9. 60 гр. қант
10. 1 ас қасық тұз
11. 3 ас қасық 9%-дық сірке суы
12. 0,5 шай қасық ұнтақталған қара бұрыш

Дайындалу тәсілі:

1. Шұңғыл қазанға өсімдік майын құйып, қыздырыңыз.
2. Май қызғанша пияздың қабығын аршып, жұқалап турайсыз. Сосын пиязды қызып тұрған майға салып қуырасыз. Сарымсақты да аршып, майдалап турап, қуырылып жатқан пиязға қосыңыз.
3. Сәбіздің қабығын аршып, арнайы үккіштен өткізесіз. Сосын сәбізді де пиязбен бірге қурасыз.
4. Болгар бұрышын ортасынан бөліп, ұзыншалап әрі жұқалап тураған дұрыс. Содан соң болгар бұрышын да қуырмаға қосасыз. Барлық көкөністерді жай отта бұқтыру керек.
5. Қызанақтарды текшелеп турап, оны да бұқтырмаға саласыз. 10 минуттан қуырылады.
6. Кәділерді жуып, кепкен соң кепкен соң текшелеп турау керек. Басқа көкөністерге қарағанда ірілеу етіп турауға болады. Туралған кәдініде қазанға салыңыз.
7. Кәдіден соң қант пен бұрышты салып, барлығын жақсылап араластырған дұрыс. Салатты тағы да 20-30 минуттай бұқтырасыз.
8. Ақжелкенді тазалап жуып, майдалап турап, қазанға саласыз. Сірке суын құйып, барлығын тағы бір араластырып жіберіңіз. 5 минуттан кейін отты өшіріп, салатты жауып ала беруге болады.

Дайындаған: Қ.Өмірзаққызы,

ERNUR.KZ

ТАҒЫ ДА ОҚЫҢЫЗ:

Қысқа арнап ЖЕҢІЛ де ДӘМДІ салат жауып алыңыз