Крекер печеньелерін балалармен қатар ересектер де ұнатады. Дәмі ерекше мұндай күлшелерді үй жағдайында пісіруге болады.
фото: farmwifecooks.com
Классикалық крекер печеньесі
фото: 1.bp.blogspot.com
Қажетті өнімдер:
- 450 гр. ұн
- 250 гр. балқытылған сыр
- 1 шай қасық тұз
- 1 дана жұмыртқа
- 150-200 гр. сары май
- Күнжіт, дәмдеуіштер, пістелер
Дайындалу тәсілі:
- Ең алдымен ұнды екі рет електен өткізіп алу керек. Себебі крекердің құрамына қамыр қопсытқыш қосылмайды. Сондықтан да ұнды екі рет елеген дұрыс. Ұнға тұз бен үккіштен өткізілген сары майды, сырды қосыңыз.
- Барлығын жақсылап араластырып, сүтті құйыңыз. Сүтті қажетінше қоса беруге болады. Жалпы 100 мл сүт жетеді. Қамырды жақсылап илеп, 4 бөлікке бөледі.
- Әрбір қамырды 1 мм жұқалықта жайып шығасыз. Содан соң форманы пайдаланып, төртбұрышты печеньелер кесіп шығыңыз.
- Табаға пергамент қағазын төсеп, крекерлерді қойып шығасыз. Бетіне жұмыртқа жағып, күнжіт себелеуге болады. Пешті 200 градусқа қойып, 12-15 минут бойы күлшелерді пісіресіз.
- Пісіп шыққан күлшелерді жайып суытасыз.
- Сосын дастарханға ұсына бересіз.
Ірімшік қосылған дәмді крекер
фото: i.ytimg.com
Қажетті өнімдер:
- ½ шай қасық тұз
- 4 ас қасық сары май
- 200 гр. сыр
- 300 гр. ұн
- ¼ стақан кілегей
- Тұз, бұрыш, күнжіт, мак.
Дайындалу тәсілі:
- Сырды майда үккіштен өткізіп аламыз. Ал, пешті алдын ала 200 градусқа қойып қыздыру қажет. Содан соң ұн, тұз, сыр және сары майды жақсылап араластырасыз. Сонда жұмсақ қамыр шығуы тиіс.
- Қамырға енді кілегейді қосыңыз. Егер қамырдың басы бірікпей тұрса, қосымша кілегей қосуға болады.
- Қамырды 5-6 мм қалыңдықта жайып, арнайы кескіш құралмен төртбұрышты крекерлер жасаймыз.
- Крекерлерді противенге салып, шанышқымен тесіп шығасыз да, бетіне қара бұрыш, күнжіт немесе мак себесіз. Пешке салып, қызарта пісіріп ала бересіз.
- Крекерлер суыған соң дастарханға ұсына беруге болады.
Бал қосылған крекер
фото: rd.com
Қажетті өнімдер:
- 190 гр. ұн
- 20 гр. бал
- 15 гр. өсімдік майы
- 5 гр. ашытқы
- 1 шай қасық тұз
- 1 шай қасық теңіз тұзы
- 1 шай қасық кептірілген сарымсақ
- 110 мл су
- 1 ас қасық күнжіт
- 2 ас қасық пісте
- 1 ас қасық паприка
- 2 ас қасық асқабақ дәні
Дайындалу тәсілі:
- Ұнды електен өткізіп, ашытқымен араластырыңыз. Сосын бал мен тұзды, өсімдік майын қосып, барлығын араластырасыз.
- Осы араласпаға су қосып, жұмсақ қамыр илеңіз. Қамырды сары майға аунатып, табаққа салыңыз да, сыртынан пакетпен жауып қойыңыз. 40 минуттай бөлме температурасында тұрсын.
- Қамырды екі бөлікке бөліп, жұқалап жаясыз. Сосын табаға арнайы қағазды төсеңіз.
- Қамырдың бетіне кисточкамен су жағып, оның бетіне паприка, тұз, пісте мен асқабақ дәндерін себелеп тастауға болады. Артынша қамырды төртбұрышты формада кесіп шығады.
- Дайын қамырларды противень табаға салып, пісіріп ала бересіз.
- Сонда өте дәмді крекер печеньелер де дайын болады.
Тез дайындалатын крекер
фото: julia-din.ru
Қажетті заттар:
- 300 гр. ұн
- 150 гр. сары май
- 50 мл сүт
- ¾ шай қасық тұз.
Дайындалу тәсілі:
- Ең алдымен сары майды қатырып, үккіштен өткізесіз.
- Ұнды табаққа салып, тұз қосыңыз. Сосын осы араласпаны үккіштен өткізілген сары маймен араластырасыз. Осы араласпаға сүт құйып, қамыр илейсіз.
- Қамырды мұздатқышқа салып, бір сағаттай қалдырыңыз. Сосын мұздатылған қамырды 0,5 см қалыңдықта жаю керек. Содан соң печеньелерді түрлі формада кесіп, дайындайсыз.
- Противень табаның бетіне пергамент қағазын төсеп, бетіне ұн себіңіз. Печеньелерді орналастырып, әрбір крекерді шанышқымен тесіп шығыңыз.
- Пешті қыздырып, печеньелерді 15 минуттан пісіріп ала бересіз.
Дайындаған: Қ.Өмірзаққызы,
Тағы оқыңыз: Тауық етінен дайындалған дәмді салаттар
