БЕТ ҚАРТАЙМАУ ҮШІН күніне бір рет «БАЛЫҚ» болыңыз

«Балық» позасы бет терісінің түсін біркелі, тегіс етеді. Әрі оның көмегімен екінші иекті кішірейтуге, түбегейлі арылуға болады.

Жасалуы

• Тегіс, қатты жерге шалқалап жатыңыз.
• Шынтақты еденге тіреуіш ете отырып, кеудеңізді иіп барынша жоғары көтеріңіз.
• Арқа, жауырын сүйектері еденге тимей тұруға тиіс. Бірақ, басыңызды толық көтермейсіз, төбеңіз жерге тиер-тимес болуға тиіс. Аяқты тік немесе бүгіп, өзіңізге ыңғайлы қалыпта ұстауға болады.
• Енді екі иықты барынша артқа қарай жіберіп, жауырынды бір-біріне жақындату керек. Мойын және арқа омыртқаларына шектен тыс күш түспеуін қадағалаңыз.
• Осы қалыпта бір минут тұруға тырысыңыз.

Пайдасы

Йога жаттығулары арасындағы бұл қалып Матсиасана деп аталады. Бет терісіне тигізер пайдасымен қатар, ағзаға басқа да жақсы әсері көп.

• Құрсақ қуысының, ішектердің созылғыштығын арттырып, асқорыту жолдарының жұмысын жақсартады.
• Бұл асана өкпенің ауамен жақсы толтырылуын қамтамасыз ететіндіктен, өкпе мен бронхтардың жұмысын жақсартады. Тыныс алуды реттеуге, тыныштануға және жөтел сипмтомдарының жеңілдеуіне ықпал етеді.
• Арқа сүйектері мен мойыномыртқадағы жайсыздық, ауырсынуларды басады.
• Қалқанша безі жұмысының жақсаруына әсер ету арқылы ағзаны жасартып, күш-қуатты арттырады.

Алайда, асананың қарсы көрсетілімдері де бар.

• Омыртқа, мойын-желке аймағы және тізе сүйектеріне қатысты қандай да бір ауру, жарақат болған жағдайда
• Бас сақинасы
• Ұйқысыздық
• Қалқанша безінің гиперфункциясы
• Жоғары немесе төмен қан қысымы

Аударған: А. Бектұрғанова,

ERNUR.KZ