МҰНЫ ЖАСАСАҢЫЗ, сізде мойын ОСТЕОХОНДРОЗЫ БОЛМАЙДЫ

Мойын остеохондрозының алғашқы белгілері – бас ауруы, арқадағы ауырсынулар, бас айналуы, көз алдында «ұшып жүрген» қара немесе ақ түсті ұсақ денелердің көрінуі, құлақтағы шуыл немесе есту қабілетінің төмендеуі. Сонымен қатар, қозғалыс координациясы жоғалып, жүру кезінде дененің теңселуі де бастапқы дабылдардың бірі.

Осындай жағдайларға жол бермеймін, мойын остеохондрозының алдын аламын десеңіз, қарапайым 8 жаттығуды орындай жүріңіз.

1. Басты алға қарай еңкейтіп, иекті кеудеге тиер-тимес етіп ұстаңыз. Осы қалыпта басыңызды оңға қарай 5 рет, солға қарай 5 рет бұрыңыз.

2.Аздап шалқайып, иекті сәл көтерген қалыпта тағы да басты оңға қарай 5 рет, солға қарай 5 рет бұрыңыз.

3.Алға тік қараған күйі басты қисайтыңыз. Құлақ иыққа тисе, жаттығудың дұрыс жасалғаны. Тура осылай оң иыққа 5 рет, сол иыққа 5 рет қайталаңыз.

4.Бастапқы қалыпта басыңывзды тік ұстаңыз. Енді иекті төмен түсіріп, мойын ойығына тигізіңіз. Осы кезде мойын омыртқасында, бұлшықеттерінде кернеу болады. Бұлшықеттерге зиян келтірмеуді қадағалай отырып, барынша созыңыз. Ал бастың төбе бөлігін мүмкін болғанынша жоғарыға қарай тартыңыз.

5.Екі алақанды жайып, бетіңізге қойыңыз. Осы күйде мойын бұлшықеттеріне күш түсіре отырып, бетіңізді алақанға барынша басыңыз. Осы қалыпта 7 секунд тұрып, бұлшықеттерді босатыңыз. Жаттығуды 3 рет қайталау жеткілікті.

6.Екі алақанды екі жақ шекеге қойыңыз. Мойын бұлшықеттеріне күш түсіре отырып, оң жақ шекені алақанға барынша басып, 7 секунд ұстап тұрыңыз. Босатып, жаттығуды тағы 2 рет қайталаңыз. Тура осылай сол жақ шекеге де (7 секундтан 3 рет) жасаңыз.

7.Бас пен иекті тік ұстап, екі қолды желкеге қойыңыз. Тура алдыңғы жаттығудағы секілді, желкені алақанға барынша басып, бұлшықеттерге қысым түсіріңіз. Әр жолы 7 секундтан ұстап, 3 рет қайталаңыз.

8. Екі қолдың саусақтарын айқастыра ұстап, алақанды иек астына қойыңыз. Иекті алақанға барынша басу арқылы мойын, желке бұлшықеттерінде кернеу пайда болады. 7 секунд ұстап, босату арқылы жаттығуды 3 рет жасаңыз.

Аударған; А. Мейірханқызы,

ERNUR.KZ

ОҚИ ОТЫРЫҢЫЗ:

КӨЗ АУРУЛАРЫНЫҢ алдын алатын ЕҢ ТИІМДІ жаттығу