Әкесі қыздарын мектепке апармақ болған: Талдықорғанда көлік жарылды

0
216

12 жастағы жеткіншек топырақ үйіндісінің астынан табылған.


Әкесі қыздарын мектепке апармақ болған: Талдықорғанда көлік жарылды

ERNUR.KZ. Талдықорған қаласының Еркін шағын ауданында көлік жарылып, тұрғын үй қирады, деп жазады sputnik.kz.



40 жастағы үй иесі қыздарын мектепке апармақ болып, таңертең гараждағы көлігін оталдырған. Дәл сол мезет көлік жарылып, гаражбен қоса баспанасы да қирап кеткен.
"Оталдырғаны сол екен, жарылыс болған. Тіпті күйеуімді бірнеше метр жерге лақтырған. Қазір ол ауыр жарақат алып ауруханада жатыр. Қол-аяғының бәрі күйіп қалған. Ал 12 жастағы қызымды топырақ үйіндісінің астынан тауып алдық", - дейді үй иесі Марина Гунькина.
Айтуынша, көлікке газ орнатылған. Қазір тұрғын үйдің бір жағы түгел қираған. Үй иелерінің айтуынша, баспана жөндеуге жарамайды.