Жолда мотоцикл мен жеңіл автокөлік соқтығысты.
ERNUR.KZ. Ақмола облысында мотоцикл мен жеңіл автокөліктің соқтығысуы салдарынан мотоцикл жолаушысы қаза тапты, деп жазады Azattyq Rýhy.
Оқиға 25 сәуір күні Тайтөбе ауылында орын алған. Алдын ала мәлімет бойынша, «Лада Ларгус» автокөлігінің жүргізушісі Жұбанов көшесіне бұрылу кезінде қарсы бағытта келе жатқан мотоциклмен соқтығысқан.
Мотоциклде 31 жастағы ауыл тұрғыны және оның 28 жастағы жұбайы болған. Екеуі де ауыр жағдайда Астанадағы ауруханалардың бірінің жансақтау бөліміне жеткізілді.
«26 сәуір күні мотоциклдің жолаушысы алған жарақаттарынан көз жұмды. Аталған факті бойынша сотқа дейінгі тергеу басталды», – деп мәлімдеді полиция өкілдері.
![](/assets/thumbnails/ff/ff76612949709b649ee054b24e35b520.png ""Ұлымды үйлендіруге ақшам жоқ": ер кісі әйелінің қадірін қазасынан соң түсінген")
