​Ақтау түбінде құлаған әзербайжандық ұшақтың эксклюзивті суреттері жарияланды

Фото: AnewZ

ERNUR.KZ. Әзербайжанның AnewZ телеарнасы 25 желтоқсанда Ақтау түбінде құлаған ұшақтың апаттан кейінгі кейінгі көрінісі туралы эксклюзивті кадрлар жариялады, деп жазады inform.kz.

Агенттік мәліметінше, ұшақ фюзеляжінің суреттерінен, басқа да суреттерден сырттан килігу әсерінен болған бүліну белгілерін көруге болады. Нақты айтқанда, жарықшақтардың ізі айқын бейнеленген. Бұл кескіндер әуелде айтылған құстармен соқтығысу немесе оттегі баллонының жарылуы сияқты болжамдарға күмән тудырады.

- Әзербайжан үкіметіндегі дереккөздің мәліметі бойынша тергеудің алдын ала қорытындысы ұшақты Грозныйға жақындап қалғанда ресейлік «Панцирь-С» әуе шабуылына қарсы қорғаныс кешенінен ұшырылған зымыран құлатқанын болжайды. Бұған дейін Цифрлық даму және көлік министрі Рашад Набиев зымыран атылғанын, қандай типті зымыран екені анықталып жатқанын мәлім еткен. Әзербайжан президенті Ильхам Әлиев ұшақты Ресейдің әуе шабуылына қарсы қорғанысы Ресей аумағында байқаусызда атқанын мәлімдеді. Әзербайжан басшысы кінәлі тарап айыбын толық мойындап, кінәлілерді жазалауды, құрбандардың өзіне және отбасына өтемақы төлеуді талап етті, - делінген материалда.

Бұған дейін Ақтау түбіндегі ұшақ апатының себептері қашан нақты айтылатыны белгілі болған еді.