Ақтауда түнгі клуб жанында ер адамды соққыға жығып, пышақтап кетті

ERNUR.KZ. Ақтаудағы төбелес кезінде зардап шеккен ер адамға ота жасалды. Бұл туралы Маңғыстау облыстық ауруханасының дәрігерлері мәлімдеді, деп жазады azattyq-ruhy.kz.

Дәрігерлердің айтуынша, ота аяқталды. Науқас жансақтау бөліміне жатқызылды.

«Жағдайы ауыр, дәрігерлердің бақылауында», - деп хабарлады емдеу мекемесінің баспасөз қызметі.

Еске салайық, ер адам бірнеше жерінен пышақ жарақатын алған, сол сияқты қан тамырларына зақым келген, бұдан бөлек травматикалық геморрагиялық шок алған.

Оқиға бүгін таңертең 7-шағын аудандағы ойын-сауық орындарының бірінде болған. Пышақ жарақатын алған ер адам ауруханаға жеткізілді. Полицейлер күдіктіні ұстауға бағытталған бірқатар жедел-іздестіру шарасын жүргізіп жатыр.