Ақтөбе облысының әкімі Оңдасын Оразалин қызметінен кетті

ERNUR.KZ. Ақтөбе облысының әкімі Оңдасын Оразалин қызметінен кетті, деп жазады azattyq-ruhy.kz.

Ақтөбе облыстық мәслихатының сайты хабарлағандай, облыстың жаңа басшысы бүгін, 31 тамызда өтетін Ақтөбе облысы аумағында мәслихат депутаттарының отырысында сайланады.

«Ақтөбе облысының әкімін тағайындауға келісім беру мәселесі қаралып жатыр», - делінген хабарламада.

Айта кетерлігі, Мәслихаттың ресми сайтында онлайн өтіп жатқан депутаттар жиынында Ақтөбе облысы әкімі лауазымына Премьер-министрдің орынбасары Ералы Тоғжанов пен Ақтөбе қаласының әкімі Асхат Шахаровтың кандидаттары ұсынылды.

Оңдасын Оразалин 2019 жылдың ақпан айында Ақтөбе облысын басқарды. Бұған дейін Қазақстан Республикасы Президентінің Әкімшілігінде түрлі қызметтерді атқарған.