Ақтөбедегі EXEED жаңа автоорталығы: дилерлік желі Қазақстанның төрт өңірін қамтиды

28.06.2022 15:10

505

Ақтөбе қаласында EXEED премиалды қытайлық автомобиль маркасының заманауи 3S-шоурумы ашылды.

Бұл туралы Orbis Auto компаниясы – брендтің Қазақстандағы ресми дилері мәлімдеді, деп хабарлайды ERNUR.KZ.

Шоурумның ауданы – 1000 шаршы метр. Мұнда келушілерге бір уақытта әр түрлі жиынтықтағы бес автомобиль ұсынылады. Сату сервисінен басқа, автосалонда тұтынушы автомобильдерге қызмет көрсетудің, соның ішінде жөндеу, электрондық диагностика және т.б. толық кешенін алады.

«3S» стандарты бұл толық циклді автоорталық дегенді білдіреді, мұнда сатып алушыға автомобильдерді, қосалқы бөлшектерді, жиынтықтаушылар мен аксессуарларды сату, сондай-ақ сатудан кейінгі қызмет көрсететін барлық қажетті сервис қолжетімді. Трейд-ин опциясы және басқа қаржылық қызметтер орталықтың алғашқы күнінен бастап қатысады.

Естеріңізге сала кетейік: осы көктемде Қазақстанда EXEED брендінің автокөліктерін сату сәтті басталды. Марканың модельдік қатары ықшамды LX кроссоверімен, орташа өлшемді TXL кроссоверімен және толық өлшемді VX жол талғамайтын көлігімен ұсынылған. Барлық үш модель марканың дилерлік орталықтарында қол жетімді. Ең жоғары жиынтықтағы LX бағасы 15,9 млн.теңгені, TXL – 20,9 млн. теңгені, VX – 22,9 млн. теңгені құрайды. Брендті сату және қызмет көрсету орталықтары Алматыда, Нұр-Сұлтанда, Қостанайда, ал бүгіннен бастап Ақтөбеде жұмыс істейді. Шілде айында Шымкент, Атырау және Қарағандыда жаңа орталықтар ашылады деп күтілуде, ал жыл соңына дейін бренд Орал, Ақтау, Павлодар және Өскеменде пайда болады. Бұдан әрі дилерлік желіні 2023 жылы 11 автоорталыққа дейін және 2024 жылы 19-ға дейін кеңейту жоспарлануда.

"Осы брендтің модельдері қазақстандық автоәуесқойлар арасында баға мен сапа арақатынасының арқасында қызығушылық тудырады – бұл "премиум" сегменті іс жүзінде "эконом" баға бойынша. Бүгін біз еліміздің барлық өңірлерінде тұтынушыларымызға ыңғайлы болу үшін осы марканың заманауи дилерлік желісін құруды көздеп отырмыз", – деді Orbis Auto бас директоры Динара Искакова.

Компанияның дистрибуция жөніндегі директоры Борис Сасин өз кезегінде бренд автомобильдері Қазақстан нарығында баға мен сапа қатынасы бойынша ғана емес, сонымен қатар кепілдік ұзақтығы бойынша да ерекше ұсынысқа айналғанын атап өтті. "Өндіруші қазақстандық нарық үшін бұрын-соңды болмаған кепілдікті техникалық қызмет көрсету мерзімін береді – 7 жыл немесе 200 мың км жүріп өткенге. Бұл көптеген зерттеулер мен сынақтарда расталған ерекше сенімділіктің арқасында мүмкін болды. Брендтің тартымдылығын инновациялық техникалық шешімдер, сондай-ақ осы автомобильдер жиналған заманауи материалдар қамтамасыз етті", - деді Б.Сасин.

Дилер Ақтөбеде Сәңкібай батыр даңғылы, 177В мекен-жайы бойынша өте ыңғайлы орын таңдалғанын атап өтті: бұл қаланың барлық негізгі автосалондары орналасқан облыс орталығының батыс бөлігіндегі орталық магистральдардың бірі. Компания жыл соңына дейін Ақтөбеде кем дегенде 60 автокөлік сатуды жоспарлап отыр. Жалпы, Қазақстан бойынша сату басталған сәттен бастап жаңа брендтің 215 автокөлігі сатылды, ал жыл соңына дейін кемінде 1000 машинаны сату жоспарланып отыр.