Алексей Цой ауылдарда екпе салу жұмыстары қалай жүріп жатқанын бақылады

ERNUR.KZ. Денсаулық сақтау министрі Алматы облысындағы Ақбұлақ ауылына барған, деп хабарлайды «Хабар 24».

Алдымен сондағы жылжымалы медициналық кешендердің жұмысымен танысты. Ізінше екпе салдыруға ниет танытқан тұрғындармен тілдесті. Қазір облыста осындай 17 жылжымалы медициналық кешен бар. Ол жерде диагностика жүргізіп, зертханалдық талдаулар жасауға болады. Ауыл тұрғындарына вакцинаны осындай кешенде салады.