Алматы әуежайының жаңа терминалы 2024 жылы аяқталады

— Біз банктен (ЕҚДБ – ред.) алғашқы транштарды 2022 жылдың қаңтар – ақпан айының басында ғана алдық. Қазірдің өзінде терминал ғимаратының жанында жұмыс жүріп жатыр. Жоспар бойынша жаңа терминал құрылысын бұрын жоспарланғаннан әлдеқайда ерте, яғни 30 айдан аз уақыт ішінде аяқтауды көздеп отырмыз. Терминал құрылысын 2024 жылдың жазында аяқтауды жоспарлап отырмыз, бірақ ертерек аяқтауға тырысамыз. TAV-дан нысанғатүсетін инвестиция көлемі 200 миллион доллар, бюджет өзгертілмеді, – деді Ерсой Альп Ер Тунга.

Ол жаңа терминал халықаралық рейстерге қызмет көрсететінін түсіндірді. Терминал құрылысы кезінде әуежай жұмысы тоқтамайды.

— Әуежай жұмысында үзіліс болмайды, қызмет көрсету тоқтатылмайды, қажет болған жағдайда жұмыс бір ғимараттан екіншісіне ауыстырылады. Менің ойымша, халықаралық көлік ағыны ескі ғимараттан жаңа ғимаратқа бірте-бірте ауысады, – деп атап өтті әуежай директоры.

Ол терминал құрылысына қарастырылған бюджетте жаңа IT-шешімдердің шығындары да ескерілгенін атап өтті.

— Пандемия кезіндегідей, әуежайда онлайн тіркелу және Алматы әуе айлағындағы басқа процедуралар енді жолаушылар үшін ыңғайлы әрі қауіпсіз. Сондықтан біз рейске электронды төлқұжат арқылы арнайы тіркеу жүйесін, көз жанары арқылы жолаушыны сәйкестендіруді ұсынбақпыз. Қазір біз мемлекеттік органдармен бірлесе отырып, осы жүйенің жұмысын жолға қойып, жолаушылардың рейске жылдам қатынауын қамтамасыз етіп жатырмыз, – деді Ерсой Алп Ер Тунга.

Оның айтуынша, жаңа терминалдағы жолаушылар келу аймағында 32 паспорттық бақылау кабинасы және 3 жүк белбеуі салынады.

— Әрине, танымал брендтер ұсынылатын Duty Free аймағы да болады, – деді ол.

Сонымен қатар ол тарихи ғимарат бұрынғы VIP терминал орнында сақталатынын, қазір екі компанияның ғимаратқа баға беріп жатқанын айтты.

— Біз әуежайдың тарихи мұрасын сақтағымыз келеді, бірақ тағы бір фактор бар – бізде жаңа терминал салатын басқа ғимарат жоқ. Біз сәулетшілермен және басқа да мүдделі тараптармен сөйлестік және соңғы шешім қабылдау үшін олармен тағы бірнеше рет кездесеміз. Әрине, біз бұл мәселе бойынша қоғам мен компаниялардың пікірін ескереміз, – деді Ерсой Алп Ер Тунга.

Еске салайық, 2021 жылдың сәуірінде Халықаралық әуежай TAV Airports сатып алуды аяқтап, Алматы әуежайының жұмысын басқаруды өз қолына алғанын хабарлады. Сондай-ақ TAV әуежайдың өткізу қабілетін жылына кемінде 14 миллион жолаушыға дейін екі есеге арттыратын жаңа халықаралық терминал салуға шамамен 200 миллион доллар инвестиция салатыны хабарланды.

Алматы әуежайы TAV портфелінде 15-ші орында. Бұл TAV портфеліндегі компания уақытша концессиялық келісім негізінде емес, меншік құқығымен басқаратын бірінші актив.

2021 жылдың қыркүйегінде TAV Airports әуежайды кеңейту жобасы үшін 450 миллион доллар несие жинады деп хабарланды.