Алматы кафесінде даяшыны ұрған адам видеоға түсіп қалды

ERNUR.KZ. Желіде Алматыдағы кафелердің бірінде өзіне қызмет көрсеткен даяшыны ұрып жібрген ер адамның видеосы тарап жатыр, - деп жазады Tengrinews.kz.

Бақылау камерасынан түсірілген кадрлардан даяшы байқаусызда су құйылған ыдысты түсіріп алғаны көрінеді. Су үстелде отырған келушілердің біріне шашырап кетеді. Бұған жауап ретінде ер адам даяшыны бетінен ұрады.

Алматы полиция басқармасы бастығының орынбасары Рустам Абдрахмановтың айтуынша, шабуыл жасаған адамның жеке басы анықталған.

"Біз 1992 жылы 31 қаңтарда туған У. есімді азаматты ұстадық. Қазіргі уақытта ол тергеу шаралары үшін Медеу аудандық полиция бөліміне жеткізілді. Қылмыскер жауапқа тартылады", - делінген хабарламада.