Әлеуметтік желілерде әскери ант беру рәсімі кезінде басы айналған әскери қызметші бейнеленген архивтік видео қайта тарап жатыр.
фото: Tengrinews.kz / Тұрар Қазанғапов
ERNUR.KZ. Президент жанындағы ОКҚ Дезинформациямен күрес орталығы бұл оқиғаның 2024 жылы Аягөз гарнизонында болғанын хабарлады, деп жазады tengrinews.kz.
Сонымен қатар Қазақстанның Қорғаныс министрлігі "сарбаздың денсаулығының сыр беруі қатты қобалжумен байланысты болғанын" еске салды. Ведомство оның денсаулығына қауіп төнбегенін, медициналық көмек дер кезінде және толық көлемде көрсетілгенін атап өтті.
Дезинформациямен күрес орталығының ақпаратынша, әскери қызметші әскери қызметінің белгіленген мерзімін өтеп, кейіннен запасқа шығарылған.
"Осылайша, таратылып жатқан бейнежазба қазіргі жағдайды көрсетпейді. Күні мен мән-жайын көрсетпестен архивтік кадрларды пайдалану пайдаланушыларды адастыруы және қоғамда негізсіз шиеленіс тудыруы мүмкін", - делінген хабарламада.
Орталық блогерлер мен жаңалықтар пабликтеріне өз аудиториясы алдындағы жауапкершілігі туралы еске салып, шындыққа жанаспайтын ақпаратты әдейі таратудың құқықтық салдарларға әкеп соғуы мүмкін екенін қосты.
