Алматы облысында отбасылық жанжалдан кейін әйел адамның мәйіті табылды

ERNUR.KZ. Алматы облысының Іле ауданында отбасылық жанжалдан кейін әйел адам өлі күйінде табылды. Бұл туралы LIDER.KZ волонтерлері Instagram парақшасында хабарлады, деп жазады Azattyq Rýhy.

1982 жылы туған Абдурусулова Мунирам Токтамышқызы 25 тамыз күні жоғалып кеткен. Әйел адам күндіз сағат 12:00 шамасында Құйған ауылындағы үйінен отбасылық жанжалдан кейін шығып кеткен.

Белгілері: бойы 180 сантиметр, арықша дене бітімді, шашы қызғылт-сары түсті әрі ұзын, көзі қоңыр. Аузының оң жағында және бетінде үлкен меңдері бар.

Үстінде көгілдір түсті көйлек пен қара аяқ киім болған.

Еріктілердің ақпаратына сәйкес, әйел адамның денесі 29 тамыз, жұма күні табылған. Ол өзіне-өзі қол жұмсаған. Қайғылы жағдайдың өзге мән-жайы жария етілген жоқ.