"Алматыэлектротранс" компаниясы мәліметінше, жолдың осы бөлігінде троллейбус желілеріндегі кернеу жоғалған.
ERNUR.KZ. Алматыдағы Абай даңғылында троллейбустар жаппай тоқтап қалды, деп жазады tengrinews.kz.
Бір троллейбус дәл Абай мен Байтұрсынов қиылысында тоқтап қалған. Соның салдарынан Абай даңғылы бойында шығыс бағытта, Байтұрсынов көшесі алдында үлкен кептеліс пайда болды.
"Алматыэлектротранс" компаниясы мәліметінше, жолдың осы бөлігінде троллейбус желілеріндегі кернеу жоғалған.
Айта кетейік, Алматыда түннен бері толассыз жауған қар троллейбустардың жаппай тоқтауына себеп болуы мүмкін.
Тасымалдаушы қазір жағдай қалыпқа келтіріліп, троллейбустар қалыпты режимде жұмыс істеп жатыр деп сендірді.
