Қалада кептеліс болып, жедел жәрдем көлігі өте алмай қалған.
Фото: Видеодан скрин
ERNUR.KZ. Алматыда тұрғындар намаз оқу үшін жолды жауып тастаған. Осылайша қалада кептеліс болып, жедел жәрдем көлігі өте алмай қалған, деп жазады stan.kz.
Желіде бір топ мұсылманның жолдың қақ ортасында намаз оқып жатқаны түсірілген видео тарады. Кадрлардан бірнеше ер адамның соңында көліктер сигнал беріп, жедел жәрдем көлігі өте алмай тұрғанын байқауға болады.
Алматы полиция департаменті бұл оқиғаның бір күн бұрын қаланың Медеу ауданында болғанын хабарлады.
"Жол қауіпсіздігін үйлестіру үшін азаматтардың дабылы бойынша оқиға орнына жеткен полиция қызметкерлері түсіндірме жұмыстарын жүргізіп, ер адамдарды жол қозғалысы ережелерін қатаң сақтауға шақырды", – делінген хабарламада.
Полиция "Құқықтық тәртіп" қағидатын еске түсіріп, кез келген заңсыз әрекеттер жауапкершілікке әкеп соғатынын атап өтті.
![Еліміздің 4 жоғары оқу орнында](/assets/thumbnails/ae/aed10ba73d6ee6e6562fffb37c6e1919.jpg "Еліміздің 4 жоғары оқу орнында "Этносаяси сауаттылық" пәні енгізілді")
