Алматыда екі автокөлік соқтығысты

Сурет: Zakon.kz

ERNUR.KZ. 30 тамыз таңертең Алматыда Жамақаев – Затаевич көшелерінің қиылысында жол апаты болды, деп жазады Zakon.kz.

Mitsubishi Diamante және Kia K5 маркалы көліктер соқтығысқан.

Mitsubishi Жамақаев көшесімен оңтүстік бағытта, тауға қарай көтеріліп келе жатқан. Ал Kia Затаевич көшесімен батысқа қарай жүріп келе жатқан.

Kia жүргізушісі "жол бер" белгісін елемей, қиылысқа шығып кеткен. Салдарынан екі көлік соқтығысып, бір бағытқа қарай ұшып кеткен.

Kia бордюрге шығып кетіп, қарағайға соғылған. Ал Mitsubishi дәл сол бордюрден асып өтіп, азық-түлік дүкенінің қоршауы мен қабырғасына соғылды.

Апат салдарынан Mitsubishi жүргізушісі жарақат алып, жедел жәрдем бригадасы ауруханаға жеткізді.

Сонымен қатар дәрігерлер Kia-ның жолаушысына ерекше назар аударды — ол алкогольдік мас күйде болған. Ал көлік жүргізушісі медициналық тексеріске дейін көліктен шығып кеткен.

Бұған дейін Алматыда жүргізушісіз қалған көліктің өзен арнасына тұрып қалғанын хабарлаған едік.