Емхана меңгерушісі мен оның қарамағындағы қызметкерлер, делдалдар 100-ден астам жалған вакциналау паспортын жасады деген күдікке ілінді.
ERNUR.KZ. Алматыда емхана меңгерушісі жалған вакциналау паспортын сатқаны үшін ұсталды, деп жазады Sputnik Қазақстан.
Оның қарамағындағылар мен делдалдар да ұсталды.
Олар ақшалай сыйақыға 100-ден астам жалған вакциналау паспортын жасады және сатты деген күдікке ілінді, яғни медицина қызметкерлері денсаулық сақтау министрлігінің "Вакциналау" электронды модуліне жалған ақпарат енгізген, соның негізінде "egov.kz" электронды үкімет порталында азаматтардың коронавирус инфекциясына қарсы вакцина алғаны туралы жалған электронды паспорттар жасалған.
Сотқа дейінгі тергеу жалғасып жатыр. Күдіктілерге қатысты соңғы шешімді сот қабылдайды.
Жалған вакциналау паспортын жасады деген күдікке ілінгендерді қала прокуратурасының үйлестіруімен сыбайлас жемқорлыққа қарсы қызмет ұстады.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
