Алматыда конвой көлігінен қашып кеткен тұтқынның суреті жарияланды

0
183

Алматы қаласының полициясы 1996 жылы туған Аубакри К.Е. азаматты іздестіріп жатыр.


Алматыда конвой көлігінен қашып кеткен тұтқынның суреті жарияланды

Фото: Алматы полиция департаменті

ERNUR.KZ. Алматы қаласының полициясы автокөлік конвойынан қашып кеткен азаматтың фотосуреті мен деректерін жариялады, деп жазады stan.kz.

"Алматы қаласының полициясы 1996 жылы туған Аубакри К.Е. азаматты іздестіріп жатыр. Ол өткен кеште конвой автокөлігінен қашып кеткен. Іздестіріліп жатқан адамның белгілері: бойы – 165-170 сантиметр, арық денелі, шашы қара, көзі қоңыр. Ерекше белгілері: мұрны қисайған", – делінген хабарламада.

Қашқынның орналасқан жері туралы қандай да бір ақпараты барларды келесі телефон нөмірлеріне хабарласуды сұрайды:

  • 8-701-758-67-60;
  • 8-778-158-54-44;
  • 254-40-42 немесе 102.

Еске салайық, бұған дейін Талғарда зорлау оқиғасы бойынша күдікті изолятордан қашып кеткені айтылды. Кейін ол туралы толық ақпарат шығып, аты-жөні, жасы, мекенжайы көрсетілді. 25 қазанда қашқын ұсталды.