Зардап шеккендер түрлі дене жарақатымен жақын арадағы ауруханаға жеткізілді.
ERNUR.KZ. Алматыда ер адам жолдың жиегінде тұрып, такси ұстап тұрған үш жаяу жүргіншіні қағып кетті, деп жазады sputnik.kz.
Оқиға Ташкент даңғыл жолындағы "Апорт" сауда-ойын-сауық орталығы маңында сенбі күні кешке болды.
Куәгерлердің айтуынша, ВАЗ-21099 автокөлігінің жүргізушісі батыс бағытта жол бойымен келе жатқан. Сауда орталығына жетпей, ол жол жиегінде тұрып такси ұстамақшы болған үш жаяу жүргіншіні қағып кетті.
Түрлі дене жарақатын алған үш адам жақын жердегі ауруханаға жеткізілді.
Ал жүргізуші медициналық тексеруге жіберілді. Тексеру нәтижесі бойынша оның "жеңіл дәрежеде" мас екені белгілі болды. Сондай-ақ оның есірткі қолдану фактісі де расталды.
Алматы полиция департаментінің тергеушілері мен криминалистері істі тергеп жатыр.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
