​Арықтан 26 жастағы қыздың денесі табылды

Алматыда арықтан 26 жастағы қыз өлі табылды, деп хабарлайды ERNUR.KZ. tengrinews.kz сайтына сілтеме жасап.

Бұл мәліметті қалалық ІІД баспасөз қызметінің өкілдері растады. Қыздың денесі Медеу ауданында әл-Фараби даңғылынан табылған. ІІД өкілдері өлі табылған қыздың 1992 жылғы екенін анықтады.

"Қыздың денесінде зорлық белгілері жоқ. Қазір оқиғаның мән-жайы анықталып жатыр. Жүрегі тоқтап қалған болуы мүмкін. Өлімінің нақты себебін сот-медициналық сараптама анықтайды", - деп хабарлады Алматы қалалық ІІД ресми өкілі.