askeri-senim.kz арнайы сайтының мобильді қосымшасын Android және IOS құрылғыларына жүктеп алуға болады.
ERNUR.KZ. Қорғаныс министрлігі армиядағы құқық бұзушылықтар туралы ақпарат қабылдауға арналған сайттың ашылғанын мәлімдеді, деп жазады sputnik.kz.
Қазақстан Қарулы Күштерінің Әскери полициясы бас басқармасы азаматтардан армиядағы құқық бұзушылықтар туралы ақпарат қабылдау үшін мобильді қосымшасы бар askeri-senim.kz сайтын әзірледі.
Сайттан мобильді қосымшаны Android және IOS құрылғыларына жүктеп алуға болады.
"Пайдаланушылар әскери полиция органдарына электрондық форматта орны мен уақытына, тергеу жүргізілуіне, сондай-ақ хабарланатын мәліметтердің толықтығына қарамастан, жасалған немесе жасауға әрекеттеніп жатқан кез келген құқық бұзушылық туралы тікелей хабарламаларды жолдай алады", - дейді мамандар.
Бұдан бөлек, пайдаланушы жеке кабинетте тағайындалған жауапты лауазымды адаммен жасырын хат алмасып, тәртіп бұзушылық бойынша атқарылған жұмысты қадағалай алады.
Өтінішті орындау барысы, оған жауапты лауазымды адамның тағайындалуы және жауаптары туралы өзекті деректер электрондық поштаға келіп түседі. Жеке кабинетте диалогтарды іздеуге және реттеуге болады.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
