Сарапшылар елдерді 60 түрлі факторлар бойынша бағалады, бірақ ядролық қарудың болуы ескерілмеді.
Global Firepower әскери қуат деңгейі бойынша елдер рейтингінде Қазақстан 145-тен 63-ші орында тұр. Елдің индексі 1,0873 құрады - индекс неғұрлым төмен болса, соғұрлым мемлекеттің әскери қуаты күшті деген сөз, деп хабарлайды ERNUR.KZ.
Сарапшылар елдерді 60 түрлі факторлар бойынша бағалады, мысалы, қорғаныс шығындарының деңгейін, техника мен жабдықтардың арсеналын, армия санын, танктердің, кемелердің, ұшақтар мен басқа да әскери техника санын, армияның жауынгерлік қабілетіне әсер ететін ресурстарға, мұнайға, көмір мен т.б. қол жетімділікті бағалады. Алайда ядролық қарудың болу факторы ескерілмеді.
Әскери күші ең жоғары елдер — АҚШ, Ресей мен Қытай. Бутан елі рейтингті жапты.
ТМД елдерінің ішінде Ресейден басқа Қазақстан Әзербайжан, Беларусь пен Өзбекстаннан төмен деңгейде. ҚР-дан төмен рейтингте Түрікменстан, Армения, Қырғызстан, Тәжікстан мғн Молдова тұр.
Украина да әскери күші жағынан Қазақстаннан асып түседі.
Ресей қорғанысқа 82,6 миллиард доллар, Украина — 30 миллиард доллар, Әзербайжан — 3,1 миллиард доллар жұмсайды. Ең қызығы, Беларусь пен Өзбекстанда бюджет Қазақстанға қарағанда бірнеше есе төмен болды: ҚР-дағы 2,6 млрд долларға қарсы тиісінше 723,1 млн мен 692,5 млн доллар.
Қазір Global Firepower талдаушыларының деректері бойынша, ҚР авиациясында 237 ұшу аппараты бар: 75 жауынгерлік тікұшақ, ал ұшақтар арасында — 39 шабуылдаушы, 81 жойғыш, 17 Көлік пен 25 оқу ұшағы. Еліміздің Құрлық әскерлерінде 300 танк, 5,2 мың броньды жауынгерлік машина, 246 өздігінен жүретін артиллериялық қондырғы, 456 бірлік сүйретілетін артиллерия.
Осы жылдың қаңтар айында мемлекеттік басқару және қорғаныс, сондай-ақ Міндетті әлеуметтік қамсыздандыру саласындағы негізгі капиталға салынған инвестициялар 10,6 млрд теңгеге жетті - өткен жылмен салыстырғанда бірден 24,1 есе өскен.
Жалпы, 2022 жылдың 12 айында көрсеткіш 161 млрд теңгені құрады (2021 жылмен салыстырғанда 2,2 есе көп).
Өңірлік бөліністе ағымдағы жылдың қаңтар айында Маңғыстау облысына ең көп инвестиция салынды: 4,6 млрд теңге. Екінші және үшінші орында Абай мен Түркістан облыстары орналасқан: тиісінше 2,8 млрд пен 2,7 млрд теңге.
Сектордағы негізгі капиталға салынған инвестициялар портфеліндегі қаражаттың басым бөлігін банктік емес қарыз қаражаты құрады: 10,5 млрд теңге немесе бірден бүкіл портфельдің 98,6%-ы.
Жергілікті бюджет қаражаты есебінен инвестициялар 31,5 млн теңгені, кәсіпорындардың өз қаражаты есебінен — 120,8 млн теңгені құрады.
